Article redigit en lengadocian
Lo Decret d'Alhambra o l'Edicte de Granada, conegut per aver mandat l'expulsion dels josieus d'Espanha, foguèt publicat lo 31 de març de 1492 pels Reis Catolics Isabèl I de Castelha e son marit Ferrand II d'Aragon, après la casuda del reialme moro de Granada. Lo decret mandava la conversion o l'expulsion de totes los josieus d'Espanha, de sos territòris e possessions abans lo 31 de julhet de 1492, e causèt lor diaspora per Magrèb, Euròpa meridionala e Empèri Otoman, que son soudan Bayezid II lor ofriguèt de refugi. La comunautat josieva se resignèt al decret, a l'excepcion notabla del rabin Don Isaac Abravanèl, que n'opausèt de resisténcia, en cercant de far anullar o revocar lo decret. 150 000 josieus causiguèron la conversion, 150 000 200 000 l'exili en Navarra, en Portugal, en Itàlia, en Africa del Nòrd o en Mediterranèa orientala. Los que partisson temptan de recuperar lors crèdits e de vendre lors bens abans lor sortida, lèu-lèu e a pèrda.
